Si mama, ako at ang pagiging lesbyana ko...

My mom never questioned me kung bakit ako, panganay sa tatlong magkakapatid, babaeng babae pumorma at maraming barkadang lalake e nagkakagusto sa kapwa babae..(pero hindi ako butch, femme ako)..hindi ko naman actually sinabi sa mom ko nang deretchuhan na hindi ako straight...Naamoy na lang nya...napansin na iba ang mga kasama ko. ..Biruin mo ba naman, nung 18th birthday ko ni anino nang lalaki wala syang nakita sa party ko.... puros butch, femme, sb at mga mag-on ang nandun. diba nakakaloka!

Pero hindi ko alam kung matutuwa ako dahil open ang mom ko sa ganung relationship o iisiping wala syang pakiaalam sakin...Yung iba kaseng friends ko kinukuwento nila, nung nalaman nang mga parents nilang lesbian sila...kung hindi nasasaktan ng bonggang bongga, grounded forever o tinataboy at pinapalayas sila.

Inggit nga ibang friends ko sakin, kase ako nasasabi ko sa mom ko na my jowa akong butch. Pero infairness naman nung una akong nag dala ng kaon sa bahay, nag sunget sungetan effect ang nanay ko..Pero feeling ko..nawindang lang nanay ko nun dahil bigla akong nag out at nagbitbit ng tibo nang walang kaabog abog.. kala ko non magagalit nanay ko at magkakaron ng world war III sa bahay.. hindi pala.. ok naman pala..wala palang problema..Naalala ko pa nun..umiyak pa ako sa harap ng nanay ko one time dahil niloko ako nang jowa kung butch.. niyakap nya lang ako, tapos sabi nya lang.. "ok lang yan, babae lang yan! ".. winner sa linya si mother!

Napagtantu ko ngayon na mali ang pananaw ko na wala pakiaalam nanay ko sakin. Ang totoo e naiintindihan nya pala ako at hinahayaan lang nya akong gawin ang mga bagay na nakakapag paligaya sakin. Hindi nya na ako tinanong kung bakit ako nag ka ganito o pinilit na mag bago..hindi nya ako kinahiya o ipinagtabuyan..

Naisip ko, tama nga mga kaibigan ko.. napaka swerte ko nga sa nanay ko.. kahit mahirap tanggapin..pinilit nyang intindihin ang sitwasyon ko..ang kalagayan ko..binigyan nya ako ng kalayaan para hindi ko na kailangan mag tago at mag kunwaring straight ako..minahal nya ang buo kung pagkatao..at higit sa lahat..hinayaan nya akong maging masaya..